Mübariz Ağali oğlu Əsgərov 6 il müddətinə Azərbaycan Respublikası Milli Televiziya və Radio Şurasının üzvü təyin edilib.
"Report"un xəbərinə görə, bununla bağlı Prezident İlham Əliyev sərəncam imzalayıb.
Qeyd edək ki, M.Əsgərov 1962-ci il yanvarın 20-də Ucarda anadan olub.
O, Moskva Dövlət Universitetinın Jurnalistika (Radio və Televiziya) fakültəsini fəxri (qırmızı) diplomla bitirib. 2015-ci ildə Əməkdar jurnalist adına layiq görülüb.
M.Əsgərov 1992-1998-ci illərdə AzTV-də və 1998-ci ildən ANS TV-də lahiyə rəhbəri vəzifəsində çalışıb. "Qulp" satirik telelayihəsinin, "Mübarizə" və "Xalq şairi" verilişlərinin müəllifi olub. Sonralar Xəzər TV və ARB TV-də "Rezonans" verilişinin müəllifi və aparıcısı olub. Bir neçə sənədli filmin müəllifidir. "Qulp Studio" Məhdud Məsuliyyətli Cəmiyyətin direktorudur. "Obyektiv Milli Dəyərlərin təbliğinə dəstək" İctimai Birliyinin sədridir.
Şərhlər
Çox yaxşı.Təbrik edirik.İşinizdə uğurlar Mübariz müəllim.
Biz nə vaxta kimi Moskvanın yetişdirdiyi kadrların əlində qalacağıq?Axı,biz,bizi Rusiyanın qətl və fitnələrindən qoruyan Türkiyəyə tərəf addımlamalıyıq.
alə qaqaş! Bura qulpduraaaa qulp!