GORUN ÇATLASIN, PYOTR!

Mirzə AĞ

Ermənilərin torpaq iddiası bitib-tükənmək bilmir. İndi də Dnestryanı bölgəyə göz dikiblər. İkinci Yekaterinanın sevimli sərkərdəsi Qriqori Potyomkinin (18-ci əsrin sonu - 1792-ci il) adına olsa da, ermənilər Qriqoriopol şəhərini erməni «din xadimi» Qriqorinin (yəni «müqəddəs» Qrişanın) adı ilə bağlayıb, şəhərin salınmasında ermənilərin əməyinin olduğunu iddia edirlər.

Açıq mənbələrin məlumatına görə, şəhərin əhalisi 10 min nəfərdən çoxdur, orada ermənilərin sayı isə 200 nəfərdən də azdır. İkinci Yekaterina erməniləri oraya yaşamaq üçün köçürüb. Əvvəllər şəhərdə türklər, moldovanlar, bir vaxtlar isə litvalılar yaşayıblar.

Fəqət, cəlayi-vətən erməni tayfasının iştahası bir neçə şəhərlə məhdudlaşmır və «hay»ların həyasızlığı sərhəd tanımır. İndiyə qədər ermənilərin göz dikdiyi ərazilər məlum idi - Azərbaycanın Qarabağ bölgəsi, Rusiyanın Rostov vilayəti, Krasnodar və Stavropol diyarları, Gürcüstanın Cavaxetiya bölgəsi, Abxaziya bölgəsi…

Sosial şəbəkələrdə yayılan xəbərlərdən görünür ki, ermənilər indi də Rusiyanın Soçi və Adler şəhərlərinə, Dağıstan və Çeçenistan torqalarına göz dikiblər. Onlar uydururlar ki, bu ərazilərin hamısı «böyük Tiqranın» malikanəsi olub və bu ərazilərin hamısının əhalisi Tiqran dığadan sonra buralara «təşrif buyurublar»…

Rusiyadakı erməni diasporunun nümayəndəsi Mnasakanyan bugünlərdə Rusiya erməni icmasına müraciətlə yazıb ki, yaxın gələcəkdə Rusiya adlı dövlət dünya xəritəsindən silinəcək və gərəkdir ki, ermənilər buna hazır olsunlar - məqam yetişən kimi, ermənilərə aid torpaqları Ermənistana birləşdirsinlər!

Rusiyada parazit həyatı sürən başqa bir erməni - Norayr Qriqoryan yazır: «Ermənilər Krasnodar, Stavropol diyarları və Rostov vilayətinə muxtariyyət tələb etməlidirlər. Onlar paytaxtı Soçi (və ya Adler) olacaq erməni muxtariyyəti qurmaq və sonra onu Abxaziya ilə birləşdirmək fikrindədirlər. Onlar Abxaziyanın artıq erməni diyarına çevrildiyini düşünürlər…»

Ruslar demiş, «salabo!» Bu gəzəyəntə tayfa Dağıstanı və Çeçenistanı da «böyük Tiqran»ın vətəni hesab edir. İndi isə Krımın ayrı-ayrı bölgələrinə də iddia irəli sürülür. Bu zaman «iştah diş altındadır» məntiqindən çıxış edən ermənilər nə Gürcüstanın, nə Rusiyanın qanuni hüquqlarını nəzərə almaq istəmirlər.

Bu «məntiq»lə indi də növbədə Fransanın Marsel şəhəri və ABŞ-ın Kaliforniya ştatı dayanmalıdır.

Yeri gəlmişkən, açıq mənbələrin məlumatına görə, hazırda Fransada 600 min erməni yaşayır. Marseldə isə ermənilərin sayı 100 min nəfər göstərilir. Odur ki, yaxın gələcəkdə Fransa erməniləri də ayağa qalxıb, Fransa torpağında «öz müqəddaratlarını müəyyən etməyə» cəhd etsələr, daha fransızların buna heç bir etirazı-filanı olmayacaq. Nədən ki, fransızlar hamıdan əvvəl «erməni sevgisi»nə sadiqliklərini ortaya qoymaq zorunda qalacaqlar…

Bu gedişlə günlərin birində eşidəcəyik ki, ermənilər indi də Ağ dənizdən Sakit okeana qədər «böyük Ermənistan qızdırmasına» tutulublar və Mığırtıç iddia edir ki, doğan günəş ölkəsi - Yaponiya da «böyük Tiqran»ın malikanəsi olub, yaponlar isə buraya sonradan gəliblər. «Müqəddəs Qaregin» dualarının birində deyib ki, böyük Tiqran vaxtilə Yaponiya adalarında saldırdığı Sakura bağlarındakı ağaclarda Tiqranın özünün başı boyda armudlar yetişdirərmiş. Nə deyəsən? Bu yerdə məəttəl qalıb da, Mığırtıça «malades sobak» deməkdən başqa çarə qalmır…

Görun çatlasın, Pyotr! Bu itləri bizim də, rusların da, gürcülərin də... qapısına sən bağlamısan, indi «bəhrəsi»ni zavallı insanlar «dadırlar».