Rusiya Türk Dövlətləri Təşkilatının (TDT) Qazaxıstanda vəziyyətin sabitləşməsi ilə bağlı mövqeyini müsbət qiymətləndirir.
APA-nın Moskva müxbirinin xəbərinə görə, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova bu gün keçirdiyi brifinqdə yanvarın 11-də TDT xarici işlər nazirlərinin növbədənkənar iclasında qəbul edilmiş bəyanata münasibət bildirərkən deyib.
Zaxarova, ilk növbədə bu bəyanatda Qazaxıstanın müstəqilliyinə verilən dəstəyin vacibliyini vurğulayıb.
O diqqətə çatdırıb ki, bəyanatda Qazaxıstanın hazırkı rəhbərliyi ilə antiterror əməliyyatı məsələsində həmrəylik ifadə olunub, bu ölkənin suverenliyi və ərazi bütövlüyünə dəstək vurğulanıb.
Şərhlər