“Rusiya Ukraynanın Aİ-yə daxil olmasının əleyhinə deyil” - Putinin köməkçisi

Rusiya Ukraynanın Avropa İttifaqına (Aİ) daxil olmasının əleyhinə deyil.

APA-nın Moskva müxbiri xəbər verir ki, bunu İstanbulda Ukrayna ilə danışıqlarda Rusiya nümayəndə heyətinə rəhbərlik edən Rusiya Prezidentinin köməkçisi Vladimir Medinski bildirib.

“Rusiya öz növbəsində Ukraynanın Avropa İttifaqına daxil olmaq istəyinə etiraz etmir”, - Medinski Rusiyanın “Pervıy” kanalının efirində deyib.