“Kreml gözləyir ki, Qərb Ukraynadan nə vaxt bezəcək və ona silah göndərməyi dayandıracaq. Belədə Ukraynanı işğal etmək daha asan olacaq”.
“AzPolitika.info” xəbər verir ki, bunu Böyük Britaniyanın Ukraynadakı səfiri Melinda Simmons yerli mətbuata açıqlamasında söyləyib.
Səfir hesab edir ki, Rusiya hakimiyyətinin indiyə qədərki gözləntiləri özünü doğrultmayıb və Qərb fantastik birlik nümayiş etdirib: “Tamamilə aydındır ki, onlar Qərb ölkələrinin yayınacaqlarını (Ukraynaya yardımdan-red.) gözləyirdilər. Əminəm ki, Qərb ölkələrinin müharibənin birinci mərhələsindəki Ukraynaya siyasi, hərbi dəstəyi və sanksiyalara dair birliyi Putin üçün çox gözlənilməz oldu. Bu birlik fantastik idi, lakin gözlənilməz deyildi”.
Britaniya səfiri bildirib ki, Ukraynanı və Qərb ölkələrini əsas sınaq qış aylarında gözləyir: “Daha böyük çağırışlar soyuq aylarda qarşıya çıxacaq. Çox şey beynəlxalq birliyin qərarlarından, onun Rusiya enerji daşıyıcılarından asılılığı nə dərəcədə azalda bilməsindən asılı olacaq”.
M.Simmons deyib ki, məhz həmin situasiyada Qərbin Ukraynaya münasibəti sınağa çəkilmiş olacaq: “Hesab edirəm ki, Qərbdəki tərəfdaşlar arasında gərginlik artacaq. Ancaq ümid edirəm ki, bu gərginlik konstruktiv xarakterli olacaq və biz daha böyük birlik göstərəcəyik".
“AzPolitika.info”
Şərhlər
Qərb və ABŞ Ukraynanı Suriyadakı məqsədlərinə qurban verir.Burda Türkiyənin qarşısına çıxa biləcək Rusiyanın mövcudluğunu itirmək istəmirlər.Odur ki,müsəlmanlıara qarşı ən dəhşətli qətliamlar edə biləcək Rusiya kimi vəhşi bir dövlət Qərbə lazımdır.