“Amerika Birləşmiş Ştatlarının hərbi məqsədlərinə Rusiyanın “de-imperializasiyası” daxil edilməlidir”.
Bu barədə təqaüddə olan amerikalı general-leytenant, ABŞ-ın Avropadakı qüvvələrinin keçmiş komandanı, İraq və Əfqanıstan müharibələrinin veteranı Ben Hodces “Twitter” səhifəsində bildirib.
“Düşünürəm ki, bu münaqişədə ABŞ-ın hərbi məqsədləri Rusiyanın “de-imperializasiyası”nı nəzərdə tutmalıdır. Mənə elə gəlir ki, biz bu gün göründüyü kimi, Rusiya Federasiyasının sonunun başlanğıcını izləyirik. Buna hazır olmaq lazımdır. Biz SSRİ-nin dağılmasına hazır deyildik”, - deyə general qeyd edib.
O vurğulayıb ki, Rusiyanın qonşularına qarşı “imperialist müharibələri” Ukraynada başlamayıb.
“İnsanların diqqəti indi Ukraynada cəmləşib, lakin Rusiyanın öz qonşularına qarşı imperialist müharibələri Ukraynada deyil, 2008-ci ildə Gürcüstanda başlayıb. Rusiya Moldovanın bir hissəsini işğal etdi. Onlar indi Ukraynada daha qəddardırlar, Ukraynada daha çox əraziləri zəbt edirlər. Lakin bunların hamısı bir-biri ilə əlaqəlidir, bir bütövün hissəsidir. Rusiyanın hələ də burada olduğunu unutmamalıyıq”, - deyə general əlavə edib.
Mənbələrin məlumatına görə, Rusiya Federasiyasındakı siyasi elita artıq SSRİ-ni “bərpa etmək” planlarının genişləndirilməsinə eyham vurub. (Mənbə: UNIAN)
Şərhlər
Rusiyanın məhvini bütün dünya gözləyir.Tezliklə ABŞ və Qərb dövlətlərinin köməyi ilə Ukrayna ərazisində biz bunun şahidi olacağıq!Güclünün və varlının çöküşü an məsələsidir.
Ukrayna putin rusiyasına görə nisbətən iri tikə oldu.İlişib qalıb boğazında.Nə qədər çabalasada çıxarda bilməyəcək ,bu tukə artıq onu boğur.Heç kim də kömək etmir.