Avqustun 24-də səhər saatlarında bir qrup ukraynalı hərbçi işğal edilmiş Krımın ərazisinə daxil olaraq xüsusi əməliyyat keçirib.
“AzPolitika.info” xəbər verir ki, bunu Ukrayna Müdafiə Nazirliyinin (GUR) Baş Kəşfiyyat İdarəsinin nümayəndəsi Andrey Yusov açıqlayıb.
Rusiyanın bir sıra “telegram” kanalları, eləcə də “Krım.Realii” çərşənbə günü səhər saatlarında Krımın qərbindəki Tarxankut burnu yaxınlığında atışma səsləri barədə məlumat yayıb.
Yusovun sözlərinə görə, GUR “dəniz qüvvələri ilə birgə xüsusi əməliyyat keçirib, məqsədlərə nail olunub, şəxsi heyət arasında itki yoxdur”. O, desantın Krımda əməliyyat məqsədlərinin nə olduğunu açıqlamasa da, Rusiya hərbçilərinin şəxsi heyət və xüsusi vasitələr itirdiyini qeyd edib.
“Krım.Realii” Ukrayna kəşfiyyatındakı mənbələrə istinadən Krımın Mayak qəsəbəsi yaxınlığında qayıq və təyyarələrin iştirakı ilə baş verən döyüş barədə məlumat yayıb. Rusiya Aerokosmik Qüvvələrinin Radiotexnika Qoşunlarının 3-cü Radiotexnika Alayının bazası bu kənddə yerləşir. Düşünülür ki, Tarkhankut da hava hücumundan müdafiə qüvvələrinin mövqeləri də yerləşir. Bir gün əvvəl Ukrayna hərbçiləri bu istiqamətdə yerləşən Rusiyanın S-400 ZRT qurğularından birinin məhv etməsi barədə məlumat vermişdilər. Rusiya ordusu bunu nə təsdiq, nə də təkzib edib.
Rusiyanın “SHOT” və “Baza” teleqram kanalları, eləcə də bir sıra hərbiyönlü kanallar da Tarxankut burnu ərazisində atışma barədə məlumat yayıb. “Baza”ya danışan Mayak kəndi sakinlərinin yüksək atışma səsləri eşitdiyini və təxminən on silahlı insanın - ehtimal ki, Ukrayna xüsusi təyinatlılarının olduğu iki rezin qayıq gördüklərini deyiblər. Daha sonra qayıqlar sahili tərk ediblər.
Krımda baş verənlərlə bağlı Rusiya tərəfdən heç bir rəsmi məlumat verilməyib.
“AzPolitika.info”
Şərhlər