Ukraynaya qarşı genişmiqyaslı müharibə zamanı Rusiya “Tu-22M” strateji bombardmançı təyyarələrinin 10%-ni itirib.
Bu barədə “Forbes” nəşrində yayımlanan məqalədə bildirilir.
Qeyd olunur ki, Ukraynanın işğalından əvvəl Rusiya 60-a yaxın “Tu-22M”-ə sahib olub.
“Dünənki qəzadan əvvəl Rusiya Hərbi Hava Qüvvələri artıq dörd belə təyyarəsini itirmişdi - biri qəzaya uğramış, biri vurulmuş, ikisi isə Ukrayna pilotsuz təyyarəsinin aerodroma endirdiyi zərbə nəticəsində məhv edilmiş və ya ən azı ciddi zədələnmişdi”, - “Forbes” yazır.
Həmçinin qeyd olunur ki, yanvardan mart ayına qədər “Engels” aviabazasına edilən bir sıra dron hücumları bu bombardmançıların atdığı nəhəng qanadlı raket ehtiyatını məhv edib. “Forbes” həmin raketlərin dəyərini təxminən 1 milyard dollar qiymətləndirir.
“Forbes” onu da etiraf edir ki, üç ildən çox davam edən genişmiqyaslı müharibədə beş “Tu-22M”-nin itirilməsi onun gedişinə heç bir şəkildə təsir etməyəcək. Nəşr yazır ki, rusların hələ də Ukraynanı yaxın gələcəkdə bombalamaq üçün “Tu-22M”, “Tu-95” və “Tu-160” kimi digər tipli bombardmançı təyyarələri var.
“AzPolitika.info”
Şərhlər