Qaxın xüsusilə külli miqdarda mənimsəmə ittihamı ilə həbs edilən sabiq icra başçısı Musa Şəkiliyev bu gün məhkəmə qarşısına çıxarılır.
“Qafqazinfo”nun verdiyi məlumata görə, Dövlət Təhlükəsizliyi Xidmətinin (DTX) müstəntiqi Musa Şəkiliyevin cinayət işi ilə bağlı məhkəməyə vəsatət təqdim edib.
İstintaq orqanı iri həcmli iş üzrə əlavə sübutların toplanmasının vacibliyini nəzərə alaraq təqsirləndirilən şəxs barəsindəki həbs qətimkan tədbiri müddətinin uzadılmasını istəyir.
Vəsatətə Səbail Rayon Məhkəməsində baxılıb. Hakim vəsatəti əsaslı sayaraq təmin edib. Qərara əsasən M.Şəkiliyevin həbsdə saxlanılma müddəti 4 ay uzadılıb.
Qeyd edək ki, DTX bu ilin iyununda Qax Rayon İcra Hakimiyyətində əməliyyat keçirib. Prezident İlham Əliyevin iyunun 21-də imzaladığı Sərəncama əsasən Musa Şaban oğlu Şəkiliyev icra başçısı vəzifəsindən azad edilib.
Hazırda M.Şəkiliyevin işlədiyi dövrdə yol verilən qanun pozuntuları araşdırılır.
Şərhlər
Bu nə soyaddırbu adamın babası Şəkili olubsa bəs adı nə olub? Bu da bənzədiSahil,Kişiiyev və sair adlara.Bunların əsli .milləti.nədir? Hansı sektaya mənsubdurar və Azərbaycanda nə zaman.necə və nə məqsədlə peyda olublar.? Axı Şəkiii ad olmur!