Ermənistanın xarici işlər nazirinin müavini Manaçak Safaryan TRIPP layihəsində türk şirkətinin iştirakının mümkünlüyü barədə açıqlama verib.
Safaryan bildirib ki, bu məsələyə yalnız layihənin iki tərəfi – Ermənistan və ABŞ birlikdə qərar verə bilər.
“Əlbəttə, hər tərəfin öz mövqeyi var, bu məsələ yalnız iki tərəfin məsləhətləşmələri nəticəsində həll olunacaq”, – deyə o vurğulayıb.
Safaryan sual edildikdə ki, Ermənistan bu məsələdə hansı mövqedədir, konkret cavab verməyərək bildirib: “Bu, qərarların özündə əks olunacaq”.
O əlavə edib ki, “bu mərhələdə məsələyə daha geniş toxunmaq lazım deyil, lakin şirkətlərin seçimi hər iki tərəfin maraqlarına uyğun olmalıdır. Ən önəmli prioritet isə ilk növbədə erməni-amerikan birgə şirkətinin yaradılmasıdır”.
Beləliklə, Ermənistan tərəfi hazırda türk şirkətlərinin layihəyə qoşulub-qoşulmaması ilə bağlı konkret mövqe bildirməsə də, prosesin əsas prinsipinin tərəflərin maraqlarına uyğun qərarlarla müəyyən ediləcəyini vurğulayıb.
“AzPolitika.info”
Şərhlər