İşğaldan Azad Edilmiş Ərazilərdə Daimi Məskunlaşma Fondu yaradılacaq.
"AzPolitika" xəbər verir ki, bu, Prezident İlham Əliyevin təsdiqlədiyi Mənzil Məcəlləsinə edilən dəyişiklikdə əksini tapıb.
Məcəlləyə əsasən, İşğaldan Azad Edilmiş Ərazilərdə Daimi Məskunlaşdırma Fondunun yaşayış sahələri xüsusi təyinatlı mənzil fondunun yaşayış sahələrinin növləri sırasında olacaq. İşğaldan Azad Edilmiş Ərazilərdə Daimi Məskunlaşdırma Fondunun yaşayış sahələri məcburi köçkünlərin işğaldan azad edilmiş ərazilərdə daimi yaşayış sahələrinə köçürülməsi və həmin yaşayış sahələrinin onların mülkiyyətinə verilməsi üçün nəzərdə tutulur.
İşğaldan Azad Edilmiş Ərazilərdə Daimi Məskunlaşdırma Fondunun yaşayış sahələrinə məcburi köçkünlərin köçürülməsi və həmin yaşayış sahələrinin onların mülkiyyətinə verilməsi qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən ediləcək.
Həmçinin oxu:
Məcburi köçkün statusu yenidən tənzimlənib - Qanunda dəyişiklik
Məcburi köçkünlər üçün mühüm qərar: Yeni evlər şəxsi mülkiyyət olacaq
MƏCBURİ KÖÇKÜNLƏRLƏ BAĞLI YENİ MODELƏ KEÇİD: Mərhələli şəkildə...
Şərhlər
Salam. Mən məcburi köçkün deyiləm amma Xocalı şəhərində işləyirəm işimdə burdadır.. Burda hədsir qədər boş ev var mənədə bir ev verilsə burda daimi qalıb yaşayardım