Bakıda zəncirvari yol-nəqliyyat hadisəsi baş verib.

"AzPolitika" xəbər verir ki, hadisə paytaxtın Həsən Əliyev küçəsində qeydə alınıb.

İlkin məlumata görə, qəzaya "Toyota" markalı minik avtomobilinin sürücüsünün işıqforun qırmızı işığında hərəkəti davam etdirmək istəməsi səbəb olub.

Nəticədə dörd avtomobilə maddi ziyan dəyib.

Hadisə nəticəsində xəsarət alanların olub-olmaması barədə hələlik məlumat yoxdur.