Rusiya lideri Vladimir Putin Ukraynaya dair danışıqların yeni mərhələsində NATO-nun genişlənməsilə bağlı güzəştlərə və onun müdafiə qabiliyyətinin zəifləməsini nəzərdə tutan razılıqlara nail olmaq niyyətindədir.
“AzPolitika” xəbər verir ki, "The Telegraph" qəzetində dərc edilən məqalədə belə deyilir.
Nəşrin qeyd etdiyi kimi, Putinin köməkçisi Yuri Uşakov bildirib ki, Avropa ölkələri də Rusiya, Ukrayna və ABŞ nümayəndələri arasında danışıqlara daxil edilməlidir, çünki onların iştirakı razılaşmaların əldə edilməsi üçün çox vacibdir. Diplomatik mənbələrə görə, bu tələb NATO-nun genişlənməsi ilə bağlı güzəştlər əldə etmək istəyindən irəli gəlir.
Nəşrin mənbələrinin fikrincə, Putin NATO-nun Avropadakı hərbi mövcudluğunun 1997-ci il səviyyəsinə - keçmiş Şərq Bloku ölkələrinin alyansa qoşulmasından əvvəlki dövrə qədər azaldılmasını tələb edəcək: “Bu, NATO qoşunlarının Polşa, Estoniya, Latviya və Litvadan, eləcə də 2023-cü ildə alyansa qoşulan Finlandiyadan çıxarılması demək ola bilər. Bu beş ölkənin hamısı Rusiya ilə həmsərhəddir.”
Uşakov qeyd edib ki, bu görüşdən əhəmiyyətli irəliləyiş gözləmir və bunu “sınaq addımı” hesab edir. Bununla belə, həm Avropa, həm də Ukrayna rəsmiləri Əbu-Dabidə keçiriləcək danışıqlar zamanı “Avropada müharibədən sonrakı təhlükəsizlik qaydalarının daha geniş kontekstini” müzakirə etməyə hazır olduqlarını bildiriblər.
Lakin yüksək vəzifəli mənbələr Avropanın Rusiyanın tələblərini qətiyyətlə rədd etdiyini vurğulayırlar.
"Bizim mövqeyimiz 2022-ci ilin yanvar ayında olduğu kimi qalır", - deyə Avropa rəsmilərindən biri NATO-nun keçmiş baş katibi Yens Stoltenberqin Moskvaya göndərdiyi məktuba istinadən bildirib.
Prezident Volodimir Zelenski daha əvvəl ABŞ, Ukrayna və Rusiya nümayəndələrinin iştirakı ilə üçtərəfli danışıqların noyabrın birinci yarısında Əbu-Dabidə (BƏƏ) keçiriləcəyini açıqlamışdı. Prezident həmçinin vurğulamışdı ki, Ukrayna bu görüşü mümkün qədər tez keçirmək istəyir, lakin hər şey əvvəllər oktyabr ayında görüş planlarını pozan Rusiyadan asılıdır.
Kreml bildirib ki, Kreml ABŞ seçkiləri bitəndən – noyabrın 3-dən sonra Ukrayna və ABŞ ilə üçtərəfli danışıqları bərpa etməyi planlaşdırır.
“AzPolitika.info”
Şərhlər