Bakı Fond Birjası 2021-ci ilin 1-ci rübü üzrə hesabatını yayıb. Marja xəbər verir ki, hesabatda birja üzvlərinin ticarət göstəricilərinə də yer verilib.
Hesabatdan məlum olur ki, 2021-ci ilin 1-ci rübü ərzində səhm bazarı üzrə əməliyyatların həcminə görə 1-ci yeri "MFX- Trading İnvestisiya Şirkəti” ASC tutub.
Şirkət ilk rübdə səhmlər üzrə 10 milyon 22 min manatlıq əməliyyat həyata keçirib.
2021-ci ilin yanvar-mart dövründə bazarda səhmlər üzrə cəmi əməliyyatların həcmi 12 milyon 651 min 897 manat təşkil edib. Əməliyyatların 79,2%-i "MFX- Trading İnvestisiya Şirkəti”nin payına düşüb.
“MFX- Trading İnvestisiya Şirkəti” investisiya şirkəti fəaliyyətinə ötən ilin Oktyabr ayında lisenziya alıb.
Şərhlər
"qəşəng"