MİLLİ MÜDAFİƏ UNİVERSİTETİNƏ REKTOR TƏYİN OLUNDU - Sərəncam imzalanıb
Müdafiə Nazirliyinin Milli Müdafiə Universitetinə rektor təyin olunub.Bununla bağlı müvafiq sərəncam imzalanıb.
Sərəncama əsasən, bu vəzifəyə professor, general-leytenant Heydər Piriyev təyinat alıb.
Qeyd edək ki, general-leytenant Heydər Piriyev indiyədək Milli Müdafiə Universitetinin rektoru vəzifəsini müvəqqəti icra edirdi.
O, daha əvvəllər Silahlı Qüvvələrin Hərbi Akademiyasının rəisi vəzifəsində çalışıb.
Xatırladaq ki, 2022-ci ildə Azərbaycan Prezidenti, Silahlı Qüvvələrin Ali Baş Komandanı İlham Əliyevin tapşırığı ilə Azərbaycan Ordusunun Türkiyə Silahlı Qüvvələrinin standartlarına uyğunlaşdırılması istiqamətində həyata keçirilən tədbirlər çərçivəsində hərbi təhsil sahəsində idarəetmənin təkmilləşdirilməsi məqsədilə Milli Müdafiə Universiteti yaradılıb.
Əvvəllər mövcud olan Silahlı Qüvvələrin Hərbi Akademiyası, Heydər Əliyev adına Azərbaycan Ali Hərbi Məktəbi və digər xüsusi təyinatlı təhsil müəssisələri öz fəaliyyətlərini yeni yaradılan Milli Müdafiə Universitetinin nəzdində Hərbi Elmi-Tədqiqat İnstitutu, Hərbi İdarəetmə İnstitutu, Heydər Əliyev adına Hərbi İnstitut, Azərbaycan Ordusunun Təlim və Tədris Mərkəzi, Heydər Əliyev adına hərbi lisey, Cəmşid Naxçıvanski adına hərbi lisey və Tibb Universitetinin Hərbi Tibb Fakültəsi adı altında fəaliyyət göstərirlər.
Şərhlər
Ölkəyə bu qədər universitet (rüşvətocağı) lazıdırmı? Olmaz ki, bazası ,lazımi müəllim kollektivi olan universitetlərdə ölkədə lazım olan müvafiq ixtisaslar üzrə şöbələr açıb dövlət proqtamına əsasən mütəxəssis yerləşdirilsin və təyinatıa tələb olunan sahələrə yönləndirilsin.Bu həm artıq xərclərə,həm tədrisn və gənclərin hazırlığlı olmasına imlan yaradar.Niyə bu metod tətbiq olunmur.Əvəzinə artıq xərclərlə universitet saylar artırılır və rüşvət cövıan edir.