Ötən gün KTMT-nin baş katibi Stanislav Zas yenidən Ermənistana gəlib və baş nazir Nikol Paşinyanla görüşüb.
"AzPolitika.info" xəbər verir ki, bu barədə oktyabrın 5-də jurnalistlərə müsahibəsində Rusiyanın Ermənistandakı fövqəladə və səlahiyyətli səfiri Sergey Kopırkin bildirib.
Səfirin sözlərinə görə, Zas KTMT-yə üzv dövlətlərin başçıları tərəfindən baxılması üçün hazırlanmalı olan tövsiyələr barədə məlumat verib.
“Düşünürəm ki, biz təşkilatın bu regionda mövcudluğunu və rolunu praktikada göstərməli olan konkret addımlardan danışırıq”, - Kopırkin əlavə edib.
Qeyd edək ki, KTMT-nin Azərbaycanla Ermənistan arasında hərbi gərginliyə passiv reaksiyası həm İrəvanda, həm də cəmiyyətdə təşkilata inamsızlığa səbəb olub, birbaşa öhdəliklərin yerinə yetirilməməsi ilə bağlı bəyanatlar səslənib.
"AzPolitika.info"
Şərhlər