Rusiya prezidenti Vladimir Putin Koreya Xalq Demokratik Respublikasının lideri Kim Çen In ilə kənd təsərrüfatı sahəsində əlaqələrin inkişaf etdirilməsi məsələlərini müzakirə edib,
“AzPolitika.info” bu barədə “RİA Novosti” agentliyinə istinadla xəbər verir.
Rusiya dövlət başçısı qeyd edib ki, KXDR-dən olan həmkarı ilə regiondakı vəziyyət və ikitərəfli münasibətlərlə bağlı səmimi fikir mübadiləsi aparılıb. Putin söhbəti “çox yaxşı və məhsuldar” adlandırıb.
“Çox səmimi fikir mübadiləsi oldu” – deyə Putin vurğulayıb.
Putin qeyd edib ki, Rusiya Federasiyası və Şimali Koreyanın bir çox ortaq layihələri var, o cümlədən nəqliyyat kommunikasiyaları, logistika, dəniz limanının fəaliyyətinin bərpası. O, həmçinin bildirib ki, koronavirus Şimali Koreyanın xarici dünyadan faktiki olaraq bağlandığı vaxt Moskva və Pxenyan arasında münasibətlərə böyük ziyan vurub.
“Ancaq çoxlu maraqlı layihələrimiz var”, - Putin əlavə edib.
Rusiya prezidenti həmçinin bildirib ki, Kim Çen In Vladivostoka və Komsomolsk-na-Amuraya səfər edəcək. Onun sözlərinə görə, KXDR lideri mülki və hərbi texnikanın istehsal olunduğu zavoda baş çəkməyi, Uzaq Şərq Federal Universitetinə baş çəkməyi və Rusiya Elmlər Akademiyasının bəzi obyektlərini görməyi planlaşdırır.
“Sədrin (Kim Çen In – red) qarşıda böyük proqramı var. O, hələ də Komsomolsk-na-Amura uçur və aviasiya, mülki və hərbi texnikanın istehsal olunduğu zavodlara baş çəkəcək”, - Putin yekunlaşdırıb.
Rusiya prezidentinin mətbuat katibi Dmitri Peskov Rusiya dövlətinin başçısı Vladimir Putinlə KXDR lideri Kim Çen In arasında danışıqları çox mənalı və vacib adlandırıb.
Rüfət
“AzPolitika.info”
Şərhlər