26 ölkə ortaq bəyanat yayaraq İsrailə Qəzzadakı müharibəni dayandırmaqla bağlı çağırış edib.
Bəyanatda “Sadə və təcili bir mesajla bir araya gəlmişik: Qəzzada müharibə sona çatmalıdır” ifadəsi yer alıb. İsrailin yardım bölgüsü sisteminə isə sərt tənqid yönəldilərək bu sistemin "təhlükəli, qeyri-sabitlik yaradan və fələstinliləri insanlıq onurundan məhrum edən bir yanaşma" olduğu bildirilib.
Ortaq açıqlamada, İsrail-Fələstin münaqişəsinə dair davamlı siyasi həllin vacibliyi də vurğulanıb.
“İsraillilər, fələstinlilər və bütövlükdə region üçün təhlükəsizlik və qalıcı sülh təmin edən siyasi yol izlənilməlidir. Biz bu istiqamətdə daha çox addım atmağa hazırıq", - deyə qeyd olunub.
Sözügedən bəyanata - Avstraliya, Avstriya, Belçika, Kanada, Danimarka, Estoniya, Finlandiya, Fransa, İslandiya, İrlandiya, İtaliya, Yaponiya, Latviya, Litva, Lüksemburq, Niderland, Yeni Zelandiya, Norveç, Polşa, Portuqaliya, Sloveniya, İspaniya, İsveç, İsveçrə və Birləşmiş Krallıq imza atıb.
"AzPolitika.info"
Şərhlər
Bəyanatla iş bitmir, əks təqdirdə nə edəcəyinizi qoyun ortaya.