Azərbaycanda qeyri-neft-qaz və qeyri-dövlət sektorlarında çalışan fiziki şəxslər üçün 2019-cu ildən tətbiq olunan gəlir vergisi güzəştinin müddəti 2025-ci ildən sonra uzadılmayacaq. 

"AzPolitika" bildirir ki, bu barədə yeni vergi dərəcələri ilə bağlı təqdim olunan plan açıqlanıb.

2026-cı ildən etibarən gəlir vergisi aşağıdakı şəkildə tətbiq olunacaq:

Aylıq gəliri 2 500 manata qədər olanlar üçün

2026-cı ildə – 3 %

2027-ci ildə – 5 %

2028-ci ildən – 7 %

Aylıq gəliri 2 500 – 8 000 manat aralığında olanlar üçün:

2026-cı ildə – 75 manat + 2 500 manatdan artıq hissənin 10%-i

2027-ci ildə – 125 manat + 2 500 manatdan artıq hissənin 10%-i

2028-ci ildən – 175 manat + 2 500 manatdan artıq hissənin 10%.

Aylıq gəliri 8 000 manatdan çox olanlar üçün:

2026-cı ildə – 625 manat + 8 000 manatdan artıq hissənin 14%-i

2027-ci ildə – 675 manat + 8 000 manatdan artıq hissənin 14%-i

2028-ci ildən – 725 manat + 8 000 manatdan artıq hissənin 14%-i

Qeyd edək ki, bu dəyişikliklər fiziki şəxslərin gəlirlərindən tutulan vergi yükünün tədricən artırılmasını nəzərdə tutur və mərhələli şəkildə həyata keçiriləcək.

Bundan əlavə, 2026-cı il üçün yaşayış minimumu və ehtiyac meyarı da artırılacaq. Belə ki, hazırda 285 manat olan bu göstəricilər gələn ildən 15 manat artırılaraq 300 manat səviyyəsində müəyyən ediləcək.

"AzPolitika.info"