Qafqaz Müsəlmanları İdarəsinin (QMİ) sədri Allahşükür Paşazadənin deputat olan qardaşı Cavanşir Paşazadə sosial media hesabında Özbəkistan Respublikasında keçirilən prezident seçkilərində müşahidəçi kimi iştirakından yazıb.
Oxu.Az xəbər verir ki, Cavanşir Paşazadə “Facebook” hesabındakı paylaşımında dəfələrlə kobud orfoqrafik səhvlərə yol verib.
Belə ki, cəmi bir cümlədən ibarət olan paylaşımında “prezident” sözünü “prizident”, “tərəfindən” əvəzinə “tərəfinnən”, “müşahidəçi” sözünü “muşahidəçi” kimi qeyd edib.
Üstəlik, deputatın təmsil etdiyi ölkənin adının düzgün yazılış qaydasını bilmədiyi məlum olub. Cavanşir Paşazadə paylaşımında “Azərbaycan” sözünü “Azarbaycan” olaraq qeyd edib.
Bu səhvləri ilə deputat ümumiyyətlə Azərbaycan dilinin ən bəsit orfoqrafik normalarından belə xəbərsiz olduğunu nümayiş etdirib.
Deputatın paylaşımı sosial mediada geniş müzakirələrə səbəb olub, o, bu səhvlərə görə tənqid edilib və gülüş obyektinə çevrilib.
Cavanşir Paşazadə daha sonra paylaşımını silib.
Onun sosial media hesabında yazdıqlarını olduğu kimi təqdim edirik: “Özbəkistan respublikasında keçirilən Prizident seçkilərində , Azarbaycan respublikasının parlamenti tərəfinnən muşahidəçi kimi iştirak edirəm”.
Şərhlər
Belələrinə antimilli ünsür demək lazımdır.Bunlarda utanan sifət yoxdur...
Buna gülürük! Ancaq öz halımıza ağlamalıyıq!!!
"Qiyamət əlamətlərindən biri də əhliyətsiz, savadsız, zalım şəxslərin səlahiyyət əldə etməsi olacaq." Hədisi Şərif. Allah sizə hidayət versin ay ...
Şükür etmək lazımdır ki,soyadını səhv yazsa da adını düz yazıb.
Geyiminə- keciminə baxırsan, hər şey super. Ağızlarına açanda məlum olur ki, okazıvaetsa bu bahalı, brend geyimlərin içərisi .....(pardon) doldurulmuş numunəsiymiş. Dəhşət burasındadır ki ...xalqımızı parlamentində " təmsil" edirlər. Dəhşətdir....
60-70 ildə normal yazmagı öyrənə bilməyən aglın, təfəkkürün sahibinin ölkənin qanunverici orqanında xalqı təmsil edə bilməcəyi aksiomdur. Kiminsə nəsnəsidir prinsipi ilə dövlətin idarə edilməsinə soxuşdurulmanın belə də acı, biabırçı nəticəsi qaçılmazdır. Dövlət və xalq üçün utancvericidir. Təəssüf ki, bu yeganə hal deyil və təkcə deputatxanada baş vermir. Bütün ölkənin kadr bazası bu prinsip əsasında "formalaşıb," və ona görə də hərəkət və davranışları ilə, hər agızlarını açıb danışanda da ,yazı yazı yazanda belə onların yerinə bu xalq xəcalət çəkməli olur.Allah sizi də, sizləri bu xalqa sırıyanlara da lənət eləsin, xəcil etsin.Amin...
"Axsaq atın kor da nalbəndi olar", "Ağası gülüm olanın...." və s... Şeyx həzrətləri "Vicdan və Şərəf Universitetində"," Vicdanın insan şəxsiyyətinin formalaşmasında rolu" mövzusunda mühazirə oxuyur...
Derdeee mimler deputat olur ) day sheyxin qardashididaaa ) Utanib yere qirmirleree
Hansı biri danışdıqca özlərin batırırlar
Bu o deməkdir ki,seçicilərin səsinə bir qoz.Əsaspulnan deputat olmaqdır.
Gūnūmūz qara gələr deputatımız "zırputat"olanda
soyadını düzgün yaza bilməyəndən başqa nə gözləyirsiniz?!